我真係好掛住Steven，現在我每日都會最少send一個email給，長長的email。雖然我知道他不會回覆，(可能連看都不會)，不過我都好想打，因為打完email之後我就好似同他傾完計一樣覺得開心D。不過打email既時候就少不免會流眼淚，但總算俾之前好。我已經唔會日咸夜咸喇。唔知我既恆心有幾多呢?我要幾耐先會放棄聯絡一個唔回應既人呢?
本來我呢個暑假既計畫係要大改革我個網頁，畢竟我網頁已經一年無更新過面貌。早前我已經開始研究flash(尚未成功)，但現在呢個計畫要擱置喇，因為我已經有另一樣野更想做，所以更新網頁就要無限期抵押後!
(0)
愛情 2005年07月21日
我真係好掛住Steven…現在我每日都會send最少一個email給他…長長的email..我知道他不會回覆,不過我都好想打…打完email之後就好似同他傾完計…會開心D….吾知道點解,我覺得我地會有好返既一日,不過可能要一段長少少既時間..我覺得他吾係吾愛我架,點會變得甘快…分手前一兩日都仲好sweet好開心..:(我係咪自欺欺人??我真係好想知道我地將來會吾會係返埋一齊…:(最近成日流連星相命理既網站.好想隻到我地既將來.無奈全部都要收費……
其實我同Steven係2002年已經係網上認識,他一開始已經好喜歡我對我一見鍾情….係02年我地叫做開始過..不過當時就好似朋友甘,都係傾下ICQ.他係我生日既時候,雖然他未見過我真人,但就寄左一條Tiffany頸鏈比我.我看得出他真係好鍾意我….好錫我……
之後應該係03或者係04年頭我地又再開始,但當時因為我都未肯出黎見面,所以他覺得我地好似吾夠真實,感覺好無安全感,….因此他提出分開…話做返普通朋友會開心D…當時我無咩野…但他就吾係好開心…..之後無上網一排.
04年尾我地再次傾返計,個種感覺又再出現….值到05年一月三十日我地再次一齊,今次我地見過面,大家都覺得好開心,就好似普通情侶一樣…期間他對我好好…他說可以和我一起就好似發夢….以前發夢先可以同我一齊..我完全感受到他有幾甘鍾意我…就係甘,我地一齊5個多月…今次先可以叫真正既開始….其實之前都吾係好算係開始…(原來我地之前分開他一直都有默默甘看我的日記,好話開心知道我事)
可能大家都大個左….對感情都好認真…我完全feel到他對我有幾認真囉…我都係一樣…我地plan晒見家長,x’mas返香港玩等等….不過我地經常都有D少argue……但通常都好快無事而且都仲係好開開心心…..直到7月,我又因為做左一件事令他覺得吾開心..(我激嬲他前一秒都仲好開心)…當時我只不過係貪玩,吾知道他會吾鍾意,當我知道他吾高興,我已經立刻say sorry…..但他提出分手,說他不能接受….就係因為甘他就吾見左人一個星期….呢一個星期,我傷心…..每一日都過得好辛苦…..其實我覺得呢件都吾係咩大件事…
一個星期後他再出現同我講清楚….他說我地要分開,因為他知道我地將來都會有好多問題.他話分手吾關我做個件事,只不過係導火線…他知道我好努力保護我地段感情…呢幾個月我地好開心,但同時都吾開心…他話我地didnt work out…他說吾知道今日既決定係咪正確,無人會知道….但他覺得對他和我來說都係好….他說今晚之後吾知道我地會吾會再傾計或者見面…..我話我好希望我地會再見….他說…香港係一個好細既地方…u’ll never know……其實同一時間他學業出現問題,其實和我一起後成績變差…所以他要去英國讀書…他說分手跟學業無關…但又說他吾可以同時handle拍拖和學業….我問他…畢業後我地可以再見面嘛?他說將來既野他吾知道…吾可以答應我….之後我又問他會吾會掉左我送他的東西,他初時無回答我…但之後我問多幾次他會吾會keep我D野..他就答probably not…..
就係甘…我地就無再連絡喇…..已經四日了:(今次分開,其實係第三次……看我我的故事後…大家覺得我們還有希望嘛?我真係好想知道…:(…究竟他點諗,會吾會再同我一齊?他係咪已經死心?
唉…講到呢到..我又咸喇…:(
隨心 2005年07月20日
好多謝大家連日來對我的關心，就連沒有留過言的網友都出來安慰我。真係唔好意思要大家擔心我。好過意唔去呢。:(我一定會從新振作的。雖然我失去了Steven，但我還有你們。
本來心情已經平復許多(因為得到黃大仙的好簽，它給到我一點點的希望)，但昨晚輾轉返則，睡得不好，因為我今天開始便會失去他的聯絡，失去他的地址，電話，(ICQ和MSN他都不會上，其實他一向都不玩。以前都是陪我)。我知道他香港的地址，但不能去找他嘛，再者，他香港的家又剛巧很快會搬。從始我們便是陌生人了。:(希望他的電郵地址不會改啦。~_~
現在我正在偏織一條可能永遠都不能送出的頸巾，一條計畫已久的頸巾。好無聊，是嗎?最近我還有很多事情要做，其實我最近都幾忙的。我會儘快做好我要做的事。
胃口不佳，體重跌至92磅。沒關係吧，還惦我正在減肥。90磅指日可待!
隨心 2005年07月18日
昨晚哭到早上八點先上床訓，但十點幾就醒左。之後又再哭過，所以訓唔返。訓唔著我又亂諗野。心諗如果我地將來畢左業可唔可以係返埋一齊呢。甘咪唔會影響他學業囉。不過呢個係我一相情願既想法。我個心好亂，於是我去左網上既黃大仙求簽。我真係好想問下，究竟我地將來會唔會有機會一齊。雖然係網上求簽，不過我信架。求簽都係講心。我估黃大仙會明白我既苦衷:(
http://www.starky-hk.com/wongtaisin/ 
黃大仙好準架!我一向都好信。
支簽文甘講，係咪代表我地將來有希望呢?
今日我乜都無做過，飯唔想煮，野唔想食。體重93磅:(熊貓眼一大對~_~
隨心 2005年07月18日
今日我同綿羊仔正式分手(我地係和平分手既)，我好痛因為我仲好愛佢，不過我明白大家相處上出現問題，我地經常有arguments，成日都會唔開心(我好快無事，但呢D argument對他好傷)。上個星期日既事件只不過係導火線，他失蹤了一個星期後他想清楚我地既關係。他知道我地將來都一定會繼續有問題，所以決定離開，唔想越踩越深。上個星期分手前幾日，他仲親手整左一瓶幸運星比我逗我開心，估唔到事情可以甘快180度轉變。~_~
本來我好傷心，不過後來我好內究。其實他同我一起之後，他成績退步，呢個學期，他成績終於都低過3.6，唔可以繼續讀law了。不過他說唔係因為呢個原因同我分開，亦覺得唔關我事。不過我始終都覺得係我害左他。他今個星期三返香港，之後會去英國繼續讀law。他說今晚傾過MSN之後，我地唔會再聯絡。(七月十八日，凌晨三時六分就係我地永遠分開既一刻)我地或者以後都唔會再見，不過他說將來既事無人會知道。但我相信，呢個世界甘大，再遇返邊有甘容易。我最後可以為他做就只有祝他學業進步和生活愉快。~_~唉!永遠都見唔到自己愛既人真係好辛苦:(
分開雖然傷心，不過最少好過他玩失蹤。我知道他今次都好傷，我知道他之前對我有幾甘認真。只不過大家根本唔適合，唔適合亦無謂勉強。至少一齊既時候係開心過，係真心過都無悔既:(唉~!但我始終都好痛:(我以後都唔敢再愛了。~_~至於Seal Seal，我一樣會繼續愛惜他。雖然係我同綿羊仔之間野，但我一向都當公仔係有生命既，所以我唔會因為分手而掉左Seal Seal。我同Seal Seal 都建立左感情嘛。
好多謝大家既關心，我會無事的….Steven，再見喇!~_~
隨心 2005年07月13日
今日依舊覺得好辛苦，從內散發到外，但屈著在內的感覺。好辛苦!眼淚還是不聽話地流著。更加辛苦的是要在別人面前扮無事。唉!盡情發洩都唔得。
要做的都做了，要講的全都講了，可以做的都已經做了，真的感到好無助。究竟我可以點?現在應該要有『Wish for the best, and get ready for the worst』的心態。~>_<~ (一句好精竟的quote!)
P.S.可能心情欠佳的關係，體重跌至93磅。應該高興，還是傷心?
隨心 2005年07月12日
本來今日唔想寫日記，但好似已經好多日無寫過，所以就講幾句啦!
呢兩日我過得好不容易，個心囉囉亂。呼吸都好似有問題，要用力吸氣先感覺到有足夠的氧氣。好辛苦，心裡好似有塊大石頭壓著我。頭又暈陀陀，做事又提不起勁。每日唔係發呆就係咸。
今日獨個兒駕著車子一直向前走，腦海中沒一刻停下來，走過熟悉的路，眼淚不自主地流著。我真係好辛苦，我唔知我可以點。好想刻意令自己忙D，好讓我不必胡思亂想。
