近日因為上了中山，所以多日來都冇打日記。這個星期一，我跟爸爸的私家車從香港往中山。往中山車程大概兩小時，原本只有半缸油的我們，上到中山只剩下很少的油。當日我地唔知道中國冇油入，所以冇系香港入滿先上中山。當時回香港的油都不足夠，真系唔知點好。
原來中山已經冇油入三日。到星期二，有一部份既油站開始有油，但要配給。現在既中國真系算有禮貌，大家都排隊。巴士和公安車可以優先入滿，的士，私家車和摩托車就要排隊，但私家車只可以入$30油，摩托可以入$10，而的士就可以入滿。都非常合理和公平。
我地有嘗試排隊，但真系太多車所以最後都放棄。唯有出入坐的士(的士司機話他昨日排左幾個小時)，最壞打算就坐船返香港。好彩我爸爸得到他朋友教他上highway入油，那里車唔多，所以爸爸來回入左三次，但只是僅僅夠油返香港。未來來呢個月，爸爸都打算系香港入滿先上中山，但價錢就貴三陪喇。
家人在中山買了新屋，但室內未裝修所以冇影相，只系影左窗外景色。新屋三面單邊，景色優美，看到湖，山，和哥以夫球場內冇遮冇擋。真系可以用湖光山色去形容。
系中山我又去做過facial。哇!真系好好，服務好又清潔。不過呢間美容院系全中山最好，所以價錢系內地都算貴，但系香港同加拿大都冇做得甘。好舒服呢^^
早前自己系沙田買左一個綿羊仔電話繩比自己。現在都叫有綿羊仔陪啦，可以睹物思人嘛！^^
最近我發現屋企有本“蘇民峰” 既 “二零零五年雞年運程”。迷信既我，當然拿起閱讀。原來鼠年今年真系有桃花運，但感情不穩定。唉！唔怪之得…:(要加強桃花運，就要佩戴兔仔。等我遲D買多個兔仔先。^^
我好迷信啊。:P
今日過左好無聊既一日，因為我只系去過屋企附近既中文大學食午餐，而且仲系我第一次去。其實味道唔太差，不過唔算好食！嘿嘿，可能系我淹尖啦！
呢到既沙拉和甜品都系自己出去拿的，食多少都得。我最喜歡食甜品，但這裡的甜品就不太吸引喇！:P
昨晚我夢見Steven，所以早上一起床我就忍唔住立刻上黃大仙網頁求簽，問問我和他的姻原未來會發展成點。好彩出黎既結果同上次一樣都系好簽。(次次結果都差不多，證明黃大仙好準!)
從今天開始我會開開心心，等待美好的未來。^^
最近我的心情正常，但每到夜晚，心情必定低落。每晚都要哭哭才能入眠。唉！分手左13日喇！我都唔想甘！但我始终都系放唔低。每日都要send email给他先得。我仲未接受到分手既事實。系我心入面，他依然系我男朋友~_~。我知道系我固執，但呢一刻，等待系我唯一可以做。有限度既等待，都可以甜蜜既。我会等到他grad先再算。
最近我日日都戴住Steven送既心型necklace。真系好想我地可以心贴心。我日日抱住Seal Seal，结果比mummy话我甘大个人好似小妹妹甘玩公仔。我好想告诉mummy我锡Seal Seal既原因系Steven送乍！~_~”
久久没有更新diary。最近我好忙，但都做左好多野。我剪左hair，但唔系好满意。前面剪左碎yum，后面又剪得太短，我估我要一排先可以接受到。等到我接受左，我会影D相念。减肥后我都未影相。最近好似肥返少少，差唔多94邦。又要控制喇，肥返就惨:P
(0)