隨心 2005年07月03日
開始減肥已經一星期，體重已經慢慢受到控制。雖然今日體重都係95磅，不過條腰好似已經瘦返少少，所以我相信慢慢一定可以減到。今日開始我會食雜菜湯。一日兩餐都係食呢個湯應該可以幫助減磅，又唔需要挨肚餓。呢個湯我之前係雜誌看到的，相信應該都會有效。
呢個湯我用左多種菜去煲，包括有:紅蘿蔔，茜勤，洋蔥，青椒，番茄，和耶菜。(不過無加任何調味)呢個雜菜湯都幾好飲，甜甜地，而且勝在熱辣辣，又可以飽肚，唔需要挨肚餓。我仲聽講茜勤，洋蔥，和青椒都可以幫助減肥。
(1)
隨心 2005年07月02日
今天終於考試完畢,心情自然也變得輕鬆.考試後我去了爸爸朋友家中燒烤.心情輕鬆的我當然是開懷大食.我還跟那裡的小朋友玩水愴,小朋友都走來走去,值到濕偏全身,而我,只是濕了一點點.晚上我們又玩煙花…..臨走的時候,uncle的女兒(也是我的朋友),她說今天我沒有唱過歌,要我唱返首歌先準走…玩得雖然很累,但滿開心呢^^
by Steven
今日Steven終於考完試，他成個人都好似開心晒。心情好好而且仲有好多得意既表情添。哈!甘又係，考完試真係一身鬆晒，不過他一個星期後又再開學。哇..真辛苦!黎緊呢個學期他仲會幫朋友既公司做part-time整網頁。(Steven唔識整網頁架，不過他覺得學多樣野都好，真好學!)哈!Steven學識整網頁都好既，到時可以幫我整埋添。yeah!不過我怕他又讀書又part-time會好忙好辛苦咋。:(
夜晚我地傾電話傾至凌晨，然後開住個電話一齊訓。Steven話他訓得好好，因為知道有我陪住他。其實我估係他考完試，無晒壓力就真。反而我就訓得嘛嘛，因為整晚都要顧住個電話，放係耳邊。不過最後Steven個電話無電所以斷左線，唔可以一齊訓天光添。:(聽晚再試過!
隨心 2005年07月01日
話甘快2005年又過左一半，2005年既上半年對我來講有三件大事發生。第一就係我搬離左我住左十年既屋。第二就係過去呢半年我成日唔舒服需要看醫生啦。(現在無事了)。第三件事，亦係最開心既事就係我同Steven開始拍拖^^嘿!原來同Steven一齊已經五個月喇，時間過得真係好快。^^聽日Steven就考完他今個學期既最後一科，希望考得好啦^^。終於有多D時間陪我喇。開心^^
_________________________
今日已經係七月一日。七月一日對香港人黎講就係回歸日或者遊行日(今年好似得二萬人遊行?)。身在加拿大，七月一日對我黎講就係國慶，不過我完全感受唔道氣氛，如果唔係學校放假，我覺得同平時一樣。可能我對加拿大無乜歸屬感啦。其實有時候我對自己既identity點亂，我覺得我唔夠加拿大人，但我又唔係好香港。好似有D兩頭唔到岸甘。~_~
_________________________
減肥進度:今日磅數95磅。今日我比前幾日食得多左，聽日磅數唔知道會唔會返彈回升呢。:P
隨心 2005年06月30日
辛苦挨肚餓幾日後終於初見成效，今日上磅已經輕左兩磅，減到95磅。不過相信聽日一定會重返，因為今晚我出左街玩，係街外食晚餐。街外既食物大部分都唔適合減肥人士，所以介唔到口。不過我都已經儘量食少些。
見到自己肥左，已經好唔開心。聽到男友叫我努力D減肥，我就更傷心。都係我自己唔接受事實:(減肥好辛苦，要挨肚餓，唯有將呢句說話當係原動力啦。不成功，便成仁!>_<誓要減減減。
再美的景色，都有完結的時刻。
要把美景留住，需要付出甚麼代價？
隨心 2005年06月29日
開始減肥已經四日，但進展一點都無。依舊係97磅。好懷疑個磅係咪壞左>_< 最近男友都話我肥左，雖然他話仲可以接受，但自己都醒目啦!唔知道點解，今次減肥好似最辛苦!
減肥第一日:一齊如常，只介掉零食。
減肥第二日:開始心跳加快，晚上仲失眠，感覺好緊張似的。
減肥第三日:無心跳失眠了，開始食少一點，晚餐只食一個小桃。
減肥第四日:(今日)午餐出街食左半碗魚片粥，晚餐一個蘋果。
昨晚只食了一個小桃做晚餐，感覺非常餓，好辛苦。上床睡覺既時候仲好暈。今晚食蘋果做晚餐，應該唔會好似昨日甘肚餓。現在只係中午個餐先會食少少，晚餐就用一個水果代替。我打算做埋運動，希望快見成效啦。聽日上磅唔好再係97磅喇。烏~~
碗魚片粥甘大碗，我只係食左半碗!
隨心 2005年06月27日
今日看到香港既電視新聞，內容談及如何分辨真假迪士尼公仔。基本上真假公仔既外表分別唔大，唯一分辨方法係看雷射標籤，和假的公仔會比真的平一半或以上。假既公仔雖然外表一樣，但裡面既棉花就係一些唔乾淨既工業棉。
特然間好擔心Seal Seal係假貨。因為綿羊仔唔係迪士尼既店舖度買Seal Seal，而係從其他商店訂購既。所以我今日特別上網調查清楚Seal Seal既出生。^^原來Seal Seal係2001年8月係日本推出，seal pooh係日本版。我仲search到好多seal pooh既相。原來上網訂平過綿羊仔買(不過上網買有可能會收唔到)。我見到個tag同我隻Seal Seal都一樣既。甘我都放心D。其實我真係唔介意Seal Seal係真定假，我錫Seal Seal唔關真假既問題，不過我怕如果係假貨裡面會唔乾淨咋。如果係假，綿羊仔話會好唔開心比人騙。不過我估計Seal Seal應該係真既迪士尼公仔^^ 呢兩日綿羊仔對我好好，好錫我。唔知道點解他無啦啦話買多隻Winnie the Pooh俾我，又話帶我去旅行。好開心啊，不過我覺得仔女既野，一個就夠晒數，太多我怕我會偏心:D至於去旅行，我媽咪一定唔俾啦(我家好保守
減肥進度:(第一日)磅數無變，依舊係97磅~_~。
